Lyftingar

Það drífur ekki margt mína daga þessar vikurnar nema próflestur. Rosalega hressandi alveg hreint. Ég á núna bara eina og hálfa viku eftir og þá er ég BÚIN með þessa önn Þetta hefur verið ansi löng önn en er loksins á enda!
Æfingar fara að sjálfsögðu ekkert í pásu þrátt fyrir prófin. Þær ganga ennþá vel. Ég fékk reyndar í ökklann um daginn og var of fljót á mér að byrja að hlaupa þannig að mér er ennþá illt. En það lagast nú bráðum þar sem ég hef verið ógurlega dugleg að passa mig undanfarið.
Ég hef verið þokkalega dugleg að setja inn hlauaæfinga hérna á blogginu en hef held ég aldrei sett inn lyftinaræfingarnar. Hér kemur lyftingaræfingin sem ég tók á fimmtudagsmorgun (ég lyfti á þriðjudags og fimmtudagsmorgnum):
skokka mílu í upphitun. Teygji og geri magaæfingar.
Deadlift 5x3 - 93kg-93kg-110kg-120kg-125kg
á milli setta hoppaði ég 3xyfir grind, og gerði 4xpistols á hvora löpp (hnébeigja með annari löpp á meðan þú heldur hinni löppinni fram).
Eftir þessi sett tók ég annað sett: hlaupadrilla með teygju x10, armbeygjur með lóðum 10x12kg, 15xswings (swings með Kettlebell Bjöllu) - gerði þetta sett 4sinnum.
Ég kláraði svo æfinguna með því að fara í mjaðmatæki.
Seinni partinn þennan dag kastaði ég smá kúlu og hljóp slatta grind (stutta grind).

En nú er ég að fara í skólann. Datt í hug að skrifa hingað inn meðan ég borðaði morgunmatinn minn.